Төрткүл районында мини футбол бойынша «Өзбекстан Республикасы Нотариал палатасының кубоги» турнириниң аймақлық басқышы болып өтти.
Президентимиздиң 2020- жыл 30-октябрьдеги «Саламат турмыс тәризин кеңнен үгит-нәсиятлаў ҳәм ғалабалық спортты буннан былай да раўажландырыў илажлары ҳаққында»ғы пәрманының орынланыўын тәмийинлеў мақсетинде шөлкемлестирилген жарыста Қарақалпақстан Республикасы, Хорезм ҳәм Бухара ўәлаятлары Нотариал палаталары аймақлық басқармаларының командалары қатнасты.
Қарсыласлары үстинен жеңиске ерикен Хорезм ўәлаяты командасы биринши орынды ийелеп, келеси басқышқа жоллама алды.
Енди бул команда усы жылдың 26-февраль күни Ташкент қаласында болып өтетуғын «Өзбекстан Республикасы Нотариал палатасының кубоги» турнириниң финальлық басқышына қатнасады.
Қарақалпақстан хабар агентлиги