12-февраль күни Пекинде болып өтип атырған қысқы Олимпиада- 2022 ойынларында спорттыӊ алты түри бойынша жеӊимпаз спортшылар анықланады.
Атап айтқанда, Сноубордтыӊ борд-кросс түринен аралас командалар күш сынасса, лыжа жарысларында ҳаял-қызлар эстафета бойынша бириншилик ушын өз-ара беллеседи.
Сондай-ақ, ерлер командалары арасында конькиде ушыў, биатлонныӊ спринт, үлкен трамплиннен секириў жарысларында Пекин олимпиадасыныӊ жеӊимпазлары анықланады. Соныӊ менен бирге ҳаял-қызлар арасындағы скелетон бойынша жарыслар да спорт жанкүйерлериниӊ дыққатынан шетте қалмайды деп ойлаймыз.
Бүгинги күнге шекем Олимпиада-2022 ойынларында улыўма командалық есапта Германия сайланды командасы 7 алтын, 4 гүмис медальлары менен биринши, Норвегиялылар 6 алтын, 3 гүмис, 5 қола медаллары менен екинши, АҚШ сайланды командасы 5 алтын, 5 гүмис, 1 қола медаллары менен үшинши орынларды ийелеп келмекте.
Быйылғы Олимпиада ойынларында жеӊимпазлыққа тийкарғы даўагерлердиӊ бири халықаралық Олимпиада комитети байрағы астында ҳәрекет етип атырған россиялы спортшылар ҳәзирше 2 алтын, 4 гүмис, 6 қола медальларды қолға киргизип, тоғызыншы орында келмекте.
Адилбай Оразов,
Қарақалпақстан хабар агентлиги шолыўшысы.