2021-жылдыӊ 29-декабрь күни Россияныӊ Красноярск қаласында «Педагогикалық портал» халықаралық орайы тәрепинен студентлер, магистрантлар ҳәм педагоглар арасында физика пәни бойынша онлайн олимпиада болып өткен еди.
Бул олимпиадаға Бердақ атындағы Қарақалпақ мәмлекетлик университети магистратура басқышы физика қәнигелигиниӊ 2-курс магистранты Гүлчеҳра Бекниязова да қатнасып, пән олимпиадасы комиссиясы ағзалары тәрепинен жеӊимпаз деп табылып ҳәм шөлкемлестириўшилер тәрепинен алтын медаль, диплом ҳәм сертификатлар менен сыйлықланды.
Сондай-ақ, магистранттыӊ илимий басшысы университеттиӊ «ярым өткизгишлер физикасы» кафедрасы баслығы Қанатбай Абдирейимович Исмайыловқа да олимпиада шөлкемлестириўшилери тәрепинен арнаўлы диплом берилди.
Адилбай Оразов,
Қарақалпақстан хабар агентлиги