Усы жыл 17-21-август күнлери аралығында Нөкис қалсында спорттың велосипед-шоссе бағдары бойынша Өзбекстан Республикасы чемпионаты өткерилди.
Чемпионат Өзбекстан Республикасы Туризм ҳәм спорт министрлиги, Қарақалпақстан Республикасы Министрлер Кабинети, Өзбекстан Миллий олимпиада комитети ҳәм Өзбекстан Велоспорт федерациясы тәрепинен шөлкемлестирилген болып, оған республикамыздың барлық қала ҳәм районларынан, сондай-ақ, Ташкент қаласы ҳәм ўәлаятлардан жәми 13 команда қатнасты.
Төрт күн даўам еткен жарыс жуўмағында Н.Турсунов (Ташкент қаласы) биринши, И.Бурханов (Ташкент қаласы) екинши, Б.Қурбаниязов (Қарақалпақстан Республикасы) үшинши орынды ийеледи.
Жарыс жеңимпазларына шөлкемлестириўшилер тәрепинен диплом ҳәм естелик саўғалары тапсырылды.
Қарақалпақстан хабар агентлиги