Усы жыл 17-март күни Қараөзек районындағы балалар ҳәм жас өспиримлер спорт мектебинде 21-март-Халықаралық Наўрыз байрамы мүнәсибети менен спорттың мини-футбол түри бойынша 2006–2008-жыллары туўылған қызлар арасында район бириншилиги өткерилди.
Жарысқа улыўма орта билим бериў мектеплериниң 15 командасы қатнасты.
Жарыс жуўмағында 24-санлы улыўма орта билим бериў мектебиниң оқыўшылары биринши, 13- санлы улыўма орта билим бериў мектебиниң оқыўшылары екинши, 10-санлы улыўма орта билим бериў мектебиниң оқыўшылары үшинши орынды ийеледи.
Жеңимпазлар шөлкемлестириўшилер тәрепинен таярланған диплом ҳәм естелик саўғалары менен сыйлықланды.
Қарақалпақстан хабар агентлиги