14-февраль күни Мойнақ районында 2005-2006-жыллары туўылған жас өспиримлер арасында волейбол бойынша «Ёшлик» денетәрбия ҳәм спорт жәмийети Мойнақ районлық бириншилиги ушын жарыс болып өтти.
Оған райондағы барлық улыўма орта билим бериў мектеплериниң ер балалар ҳәм қызлар командалары қатнасты.
Қызғын беллесиўлерге бай болып өткен спорт жарысы жуўмағында ер балалар арасында биринши орынды «Қазақдәрья» елатында жайласқан 15-санлы улыўма орта билим бериў мектебиниң оқыўшылары ийелеген болса, екинши ҳәм үшинши орынларға «Қызылжар» елатындағы 10-санлы, «Шеге» елатындағы 11-санлы улыўма орта билим бериў мектебиниң жас волейболшылары ылайық деп табылды.
Ал, қызлар арасында биринши орынды «Арал» аўылында жайласқан 7-санлы, екинши ҳәм үшинши орынларды болса, район орайында жайласқан 3 ҳәм 7-санлы улыўма орта билим бериў мектебиниң командалары ийелеўге миясар болды.
Жарыс соңында жеңимпазлар «Ёшлик» денетәрбия ҳәм спорт жәмийети Мойнақ районлық бөлими тәрепинен Ҳүрмет жарлығы ҳәм дипломлар менен сыйлықланып, биринши орынды алған командаларға усы жарыстың Қарақалпақстан Республикалық басқышына жолламалар берилди.
Адилбай Оразов,
Қарақалпақстан хабар агентлиги.