Усы жыл 28-январь күни Өзбекстан мәмлекетлик көркем өнер ҳәм мәденият институты Нөкис филиалында студент-жаслар арасында спорттың мини футбол түринен «Директор кубоги» ушын жарыс өткерилди.
Жарысқа филиалда тәлим бағдарларынан дүзилген командалар қатнасты.
Жарыс жаслар арасында спорттың ғалабалылығына ерисиў ҳәм саламат турмыс тәризин кеңнен ен жайдырыў, олардың спортқа болған қызығыўшылығын арттырыў мақсетинде шөлкемлестирилмекте.
Жарыс жуўмағында «Мәденият ҳәм көркем өнер мәкемелерин шөлкемлестириў ҳәм басқарыў» тәлим бағдары студентлеринен дүзилген команда биринши, «Техноген көркем өнери (Кино, телевидение ҳәм радио сес режиссёрлығы)» тәлим бағдарының студентлери екинши ҳәм «Профессионал тәлим (Халық дөретиўшилиги вокал атқарыўшылығы) тәлим бағдары студентлери үшинши орынды ийеледи.
Жарыс жеңимпазларына «Директор кубоги» ҳәм филиалдың кәсиплик аўқамы тәрепинен таярланған медаль ҳәм естелик саўғалары тапсырылды.
Қарақалпақстан хабар агентлиги