Өзбекстан электрон ғалаба хабар қураллары миллий ассоциациясы «Журналистлер бәҳәри – 2020» фестивалы жеңимпазларын жәриялады.
Аймақлық телерадиостанциялардың хызметкерлерин түрли номинациялар бойынша ең жақсыларын анықлаў арқалы хошаметлеў мақсет етилген усы таңлаўда «Ең жақсы телеканал» – Бухара ўәлаятының «Истиқлол ТВ» телеканалы, «Ең жақсы радиостанция» – Ферғана ўәлаятының «Рухсор FМ» радиостанциясы, «Ең жақсы медиа жойбар» – «Сәлем Сардоба – биз биргемиз!» акциясы шеңберинде «Жиззах ТВ» телеканалы тәрепинен өткерилген «Сақаўат ҳәм жәрдем» телемарафоны «Ең жақсы видеоролик» – Қарақалпақстан Республикасының «Жаслар ТВ» телеканалының коронавирус пандемиясына қарсы гүреске бағышланған дүркин видеороликлери фестиваль жеңимпазларының қатарынан орын алды.
Сондай-ақ, Сурхандәрья ўәлаятының «Ишонч ТВ», Әндижанның «Тараққиёт ТВ», Қашқадәрья ўәлаятының «Насаф ТВ» ҳәм Қоқанд қаласының «Мулоқот ТВ» телеканалы ҳәм Хорезм ўәлаятының «Иқбол FМ» радиостанциясы хошаметлеўши сыйлыққа ийе болды.
ӨзА