«Өзавтосанаат» АЖ ертең, 25-декабрь күни Ташкентте төрт жаңа автомобиль моделиниң презентациясын өткерертуғынын жәриялады, деп мәлим етпекте xabar.uz сайты.
«Алдынғы технологиялардан пайдаланғаны ҳәм тартымлы дизайн себепли бул модельлер ҳәмме күткенинен де әжайып ҳәм ҳәттеки ең заманагөйлерин таң қалдырады», делинеди компанияның презентация ушын таярланған усынысында.
«Chevrolet»тиң жаңа модельлери: Equinox, Traverse, Trailblazer ҳәм Onix автомбильлери ҳаққында сөз етилмекте.
Инстаграмдағы uzauto_official бетинде Chevrolet Trailblazer автомобилиниң сүўрети басып шығарылған ҳәм оған «Тез күнде…», деп түсиник берилген.
Қарақалпақстан хабар агентлиги