29-октябрь күни алкоголь өнимлери ушын ең кем көтере ҳәм усақлап сатыў баҳаларын қайта көрип шығыў ҳаққындағы қарар Әдиллик министрлигинде мәмлекетлик дизимнен өткерилди, деп хабар берди министрликтиң баспасөз хызмети. Бул ҳаққында gazeta.uz сайты жазбақта.

Қарар менен алкоголь өнимлери (пиводан басқа) ушын жаңаланған ең кем көтере ҳәм усақлап сатыў баҳалары белгиленди.

Атап айтқанда, 2019-жыл 1-ноябрьден баслап 1 литр таяр өним ушын ең кем көтере ҳәм усақлап сатыў баҳалары тийислисинше:

вино – 8600 сум ҳәм 10200 сум ( алдын 8000 сум ҳәм 9600);

коньяк – 31000 сум ҳәм 36 600 сум (алдын 29000 сум ҳәм 34 600 сум);

арақ ҳәм басқа да алкогольли өнимлер – 22 000 сум ҳәм 26 000 сум (алдын 19 400 сум ҳәм 23 200 сум) етип белгиленди.

Рахат Қуўанышбеков,

ҚМУ Журналистика тәлим бағдары студенти

Қарақалпақстан хабар агентлиги