Рухсатнама алыў ушын пуқаралар турақлы жасаў орны бойынша Миллий гвардия уйымына төмендегилерди усыныўы шәрт:
– арза;
– шахсын тастыйықлаўшы ҳүжжет (паспорт);
– қуралдан қәўипсиз пайдаланыў қағыйдалары бойынша билими тексериўден өткерилгени ҳаққындағы ҳүжжетлер;
– қуралға ийелик етиўге қарсы көрсетпелер жоқ екенлиги ҳаққындағы медициналық шешим;
– төлем төленгенин тастыйықлаўшы ҳүжжет;
– аңшылар жәмийетлик бирлеспеси тәрепинен берилген аңшылық гүўалығы (аңшылық қуралын алыў ушын);
– аңшылар жәмийетлик бирлеспесиниң усыныснамасы (мылтық стволлы оқ атар қуралды, сондай-ақ, аўыз бөлегиндеги қуўатлылық 65 джоулдан жоқары ҳәм калибри 9 миллиметрден артық болған пневматикалық аңшылық қуралын алыў ушын);
– атыў спорты тараўындағы хызмет пенен шуғылланатуғын юридикалық шахс тәрепинен берилген спортшы гүўалығы (спорт қуралын алыў ушын).
Еслетип өтемиз, 2019-жыл 29-июль күни Өзбекстан Республикасының Қурал ҳаққындағы Нызамына қол қойылды. Нызам рәсмий жәрияланған күннен баслап 6 айдан соң күшке киреди.
Ислам Матеков,
Қарақалпақстан хабар агентлигиниң шолыўшысы.