Франция пайтахтында ХVII жазғы Паралимаиада ойынларының салтанатлы ашылыў мәресими болып өтеди. Бул ҳаққында Паралимпиада комитети мәлим етти, деп мәлимлеме береди хс.уз
Хабар етилиўинше, мәресим Париж қаласының дәл ортасында жайласқан Конкорд ҳәм Елисей майданларында өткериледи. Салтанатлы илаж Ташкент ўақты менен саат 23:00 де басланады ҳәм Спорт телеканалы арқалы жанлы эфирде көрсетиледи.
Еслетип өтемиз, «Париж-2024» жазғы Паралимпиада ойынларында дүньяның 184 мәмлекетинен 4 мың 400 ең күшли пара атлетлер 22 пара спорт түринде 549 медальлар топламы ушын өз-ара гүрес алып барады.
Пара атлетлеримиз жазғы Паралимпиада ойынларына 65 спортшы менен 113 лицензияны қолға киргизиўге ерискенин атап өтиў керек.
Қарақалпақстан хабар агентлиги