Бүгин Бирлескен Араб Әмирликлериниң Ал-Айн қаласында футбол бойынша Азия чемпионлар лигасының 1/8 финал ойынлары шеңберинде Қаршының «Насаф» командасы «Ал Айн»ға қарсы ойынға түседи.
Ушырасыў елимиз ўақты менен саат 21:00де басланады.
Бул командалардың Қаршыда өткерилген дәслепки ойыны 0:0 есабында жуўмақланған еди.
Сондай-ақ, ертең саат 21:00 де Саудия Арабстанының Жидда қаласында Наманганның «Навбаҳор» клубы «Ал-Иттиҳод» командасы менен келеси басқышқа шығыў ушын өз-ара гүрес алып барады.
Ушырасыўда Франциялы футбол жулдызы Карим Бенземаның ойынға түсиўи күтилмекте.
Адилбай Оразов,
Қарақалпақстан хабар агентлиги шолыўшысы