Польшаның Вротслав қаласында профессионал бокс кешеси өз жуўмағына жетти.
Кешениң орайлық беллесиўи супер аўыр салмақта украиналы боксши, IBO, WBO, IBF ҳәм WBA белбеўлериниң ийеси Александр Усик ҳәм британиялы Даниель Дюбуа арасында болып өтти.
12 раундқа мөлшерленген чемпионлық беллесиўиниң 10-раундында Усик қарсыласын нокаут арқалы жеңип шығып, өз чемпионлығын мүнәсип түрде қорғап қалыўға еристи.
Сондай-ақ, усы күнги бокс кешесинде өзбекстанлы Лазизбек Мулложонов та қазақстанлы Нурсултан Аманжаловты нокаутқа ушыратып, өз ықласбентлерин қуўанышқа бөледи.
Адилбай Оразов,
Қарақалпақстан хабар агентлиги шолыўшысы