УЕФА тәрепинен мәўсимниң ең жақсы тренерине берилетуғын сыйлыққа талабанлар үшлиги жәрияланды.
2022/23-жылдағы Чемпионлар Лигасы финалшылары Пеп Гвардиола («Манчестер Сити»), Симоне Инзаги («Интер») ҳәм «Наполи»ди Италия чемпионлығына қарай жетеклеген Лучано Спаллетти талабанлар үшлигинен орын алған.
Соңғы үшлик өткен мәўсимде Еврокубоклерде қатнасқан клублардың тренерлери, УЕФАға ағза мәмлекетлердиң команда тренерлери ҳәм бир топар белгили журналистлер тәрепинен таңлап алынған.
Жеңимпаздың аты 31-август күни Чемпионлар Лигасы топар басқышына чек таслаў мәресиминде жәрияланады.
Қарақалпақстан хабар агентлиги