Өзбекстан Республикасы Президенти Шавкат Мирзиёевтиң Россия Федерациясы Президенти Владимир Путин менен 9-август күни өткерилген телефон арқалы сөйлесиўинде Өзбекстан менен Россия арасындағы стратегиялық шериклик ҳәм аўқамласлық қатнасықларын және де раўажландырыў мәселелери додаланды.
Саўда-экономикалық бирге ислесиўди және де кеңейтиў ҳәм жедел гуманитарлық алмасыўды даўам еттириўге айрықша итибар қаратылды.
Еки мәмлекет жетекшилери болажақ илажлар режесин де көрип шығып, жақын мүддетлерде биргеликтеги Ҳүкиметлераралық комиссияның гезектеги мәжилисин, Өзбекстан Россия аймақлар, билимлендириў ҳәм медиа форумларын өткериў зәрүр екенлигин атап өтти.
Регионаллық бирге ислесиў мәселелери бойынша пикир алысты.
ӨзА