Усы жыл 7-8-май күнлери Бердақ атындағы Қарақалпақ мәмлекетлик университетинде «Жедел исбилерменликти, инновациялық идеяларды ҳәм технологияларды қоллап-қуўатлаў жылы» ҳәм 9-май «Еслеў ҳәм қәдирлеў күни» мүнәсибети менен республикамызға белгили палўан, педагогика илиминиң кандидаты, доцент Полат Серимбетовтың естелигине бағышланып спорттың гүрес түри бойынша ер адамлар ҳәм ҳаял-қызлар арасында республикалық турнир өткерилиўи режелестирилмекте.
Жарыста ер адамлар 66, 73, 81, +81 килограмм, ҳаял-қызлар 57, 63, 70 килограмм салмақ категорияларында өз-ара күш сынасады.
Жарыстың 1-2-3-орын жеңимпазлары шөлкемлестириўшилер тәрепинен таярланған диплом ҳәм қымбат баҳалы саўғалар менен сыйлықланады.
Бул ҳаққында мағлыўмат берип барамыз.
Қарақалпақстан хабар агентлиги