Криштиану Роналду өзиниң сайланды команда қурамындағы 200-ойыны алдынан Гиннестиң рекордлар китабының сертификатын қабыл етип алды.
38 жасар футбол жулдызы сайланды командада өткерген ойынлар саны бойынша дүнья жүзилик рекордты жаңалады.
2003-жылдан берли Португалия қурамында ойнап киятырған Роналду өзине тийисли болған рекорд нәтийжени еле де жақсылаўды даўам етпекте.
Кеше Исландия сайланды командасы дәрўазасына урылған гол Роналду ушын Португалия қурамындағы 123-гол болды. Криштиану бул көрсеткиш бойынша да дүнья жүзи рекордшысы есапланады.
Төмендеги дизимде сайланды командалар қурамында ең көп ойын өткерген футболшылардың аты жайластырылған.
- Криштиану Роналду (200)
- Бадир ал-Мутава (196)
- Сон Чин Ан (195)
- Аҳмад Ҳассан (184)
- Аҳмад Муборак (183)
- Серхио Рамос (180)
- Андрес Гуардадо (179)
- Муҳаммад ад-Дия (178)
- Клаудио Суарес (177)
- Жанлуижи Буффон (176)
Адилбай Оразов,
Қарақалпақстан хабар агентлиги шолыўшысы