Қанлыкөл районында Қарақалпақстан Республикасы Жоқарғы Кеңесиниң депутаты М.Шымбергенов, Халық депутатлары районлық Кеңесине Наўрыз АПЖ аймағынан сайланған депутатлар Л.Ешбаева ҳәм Т.Бекниязовлардың қәўендерлигинде арнаўлы илаж өткерилди.
Олар тәрепинен «Жаслар айлығы» шеңберинде Қанлыкөл районы Наўрыз АПЖ аймағында жасаўшы жаслар арасында олардың бос ўақтын мазмунлы өткериў мақсетинде спорттың киши футбол түринен Наўрыз АПЖ кубоги өткерилди.
Жарыс райондағы 2-санлы улыўма билим бериў мектеби жанындағы жасыл қапламалы киши футбол майданшасында болып өтти.
Жарысқа АПЖ аймағындағы көше ҳәм аўыллардан бир неше команда қатнасып, «Толқын» командасы биринши, «Наўрызлы жаслар» командасы екинши, «Қанлыкөлли жигитлер» командасы үшинши орынды ийеледи.
Жарыс жеңимпазларына қәўендерлер тәрепинен естелик саўғалары ҳәм Наўрыз АПЖ кубоги салтанатлы жағдайда тапсырылды.
Қарақалпақстан хабар агентлиги