Кеше футбол бойынша Европа Миллетлер лигасында ярым финал ойыны болып өтти.
Онда өткен жылы усы турнир финалында Францияға жеңилип қалған Испания сайланды командасы италиялы футболшылар менен финал жолламасы ушын өз-ара гүрес жүргизди.
Ушырасыўдың 3-минутында Пино есапты ашқан болса, 11-минутында Италия сайланды командасының ҳүжимшиси Иммобиле Испания дәрўазасын анық нышанға алып, арадағы парықты жоққа шығарды.
Ойынның 84-минутында испаниялы ҳүжимши Мората орнына Хоселу майданға түсирилди ҳәм 88-минутта Италия дәрўазасына гол урып, өз командасын финалға алып шықты.
18-июнь күни өткерилетуғын финал ойынында Испания Нидерландияны қосымша таймларда 4:2 есабында жеңип шыққан Хорватия сайланды командасы менен ушырасады.
Ал, Италия болса, 3-орын ушын болған гүресте Нидерландияға қарсы майданға түседи. Бул ушырасыў да 18-июнь күни болып өтеди.
Адилбай Оразов,
Қарақалпақстан хабар агентлиги шолыўшысы.