2016-жылғы Олимпиада ойынларының қатнасыўшысы мексикалы Хоселито Веласкес өз жерлеси Хуан Тоскано менен рингте ушырасты.
Кескин өткен беллесиўде Веласкес өз қарсыласын нокаутқа ушыратты. Шәкиртиниң аянышлы ҳалатын көрген Тосканоның тренери Веласкеске қарсы ҳүжимге өтти. Тренердиң өзине қарсы ҳүжимин өз ўақтында сезген Веласкес оған да күшли соққы берип, тренерди де нокаутқа түсириўге еристи.
Профессионал боксте бундай қызық жағдайлар болып турады. Атап айтқанда, усы ўақыядан сәл алдын Флойд Мейвезер ҳәм Жон Готти арасындағы көргизбели беллесиў ўақтында да усыған уқсас ўақыя жүз берген еди.
А.Оразов,
Қарақалпақстан хабар агентлиги жетекши шолыўшысы