Түркияның Стамбул қаласында Англия чемпионы «Манчестер Сити» ҳәм Миланның «Интер» клублары арасында Европа Чемпионлар лигасының финал ушырасыўы болып өтти.
Кескин тәризде болып өткен ойын жуўмағында, Хосеп Гвардиола басшылығындағы «Манчестер Сити» 1:0 есабында жеңип шығыўға миясар болды.
Ушырасыўдағы жеңис голын Родриго Эрнандес Андре Онана қорғап атырған дәрўазаға анық жоллаўға еристи ҳәм «Манчестер Сити» өз тарийхында Европа Чемпионлар лигасын қолға киргизди.
А.Оразов,
Қарақалпақстан хабар агентлиги жетекши шолыўшысы