Алдын хабар бергенимиздей, Қазақстан Республикасының Астана қаласында  самбо бойынша Азия ҳәм Океания чемпионаты басланған еди.

Бул чемпионатта қатнасқан ветеран спортшылар арасында 50-54 жастағы палўанлар беллесиўинде +98 кг да Дәўлетмурат Қалхоразов қола,  55-59 жастағылар арасында -79 кг да Азамат Юсупов гүмис, 60-64 жастағылар арасында -79 кг да Сансызбай Юсупов  қола,  -88 кг да Жумабек Нурымбетов гүмис, -98 кг да Махсетбай Алланов қола, +65 жастан жоқары спортшылар арасында -71 кг да Қудайберген Наўрызбаевлар қола медалын жеңип алып, спорт жанкүйерлерин қуўанышқа бөлеген болса, жаўынгерлик  самбо бойынша ҳаял-кызлар арасында 59 кг салмақта республикамыз ўәкили Шахзада Азатова барлық қарсыласларынан үстин келип  алтын медалды жеңип алыўға еристи.

Бул жеңиси арқалы  Шахзада Азатова Таиландта болатуғын Азия  ойынлары ҳәм Саудия Арабстанында өткерилетуғын жәҳән чемпионатына жолламаны қолға киргизди.

А.Оразов,

Қарақалпақстан хабар агентлиги жетекши шолыўшысы