Халықаралық спорт изертлеўлери орайы (CIES Football Observatory) жәҳән футболындағы 20 жасқа шекемги болған перспективалы ойыншылардыӊ топ-200 лик дизимин жәриялады.
Портал он позицияныӊ ҳәр биринде 20 еӊ қәбилетли футболшыларды таӊлап алған.
Орайлық қорғаўшылар рейтингинен ҳәзирги ўақытта Беларустыӊ «Energetik-BGU» клубы абырайын қорғайтуғын өзбекстанлы Абдуқодир Ҳусанов та орын алған.
Ҳусанов Беларусь жоқары дивизионыныӊ усы мәўсиминде командасыныӊ барлық 5 ойынында толық қатнасты ҳәм бир гол урды. 19 жасар футболшы өткен мәўсим лига шеӊберинде 27 ойын өткерип, 3 гол ҳәм 2 голлы пасьты әмелге асырған.
Сондай-ақ, Абдуқодир Өзбекстан жаслар қурамы командасында U-20 Азия Кубоги — 2023 жарысы жеӊимпазына айланды.
CIES бойынша ҳәр бир позиция бойынша еӊ жақсылар:
Пламен Андрейев («Левски София», дәрўазаман)
Антониу Силва («Бенфика», орайлық қорғаўшы)
Алехандро Балде («Барселона», шеп қанат қорғаўшы)
Рико Люис («Манчестер Сити», оӊ қанат қорғаўшы)
Артур Вермерен («Антверпен», таянш қорғаўшы)
Пабло Гави («Барселона», орайлық ярым қорғаўшы).
Азизбек Дабылов,
ҚМУ Интернет журналистикасы
тәлим бағдарының 4-курс студенти,
Қарақалпақстан хабар агентлиги