Кеше футбол бойынша Европа лигасында 4-тур ойынлары болып өтти. Олардың биринде Өзбекстан сайланды командасы сәрдары Элдор Шомуродов ойнап атырған Римниң «Рома» клубы Испанияға сапар етип, топар жетекшиси «Бетис» пенен ушырасты.
Ойынның 34-минутында Серхио Каналес есапты ашқан болса, 53-минутта Андреа Белотти «Рома»ға бир упай алып келген голды урыўға еристи. Ушырасыўда Элдор Шомуродов ойынға түсирилмеди.
Бул нәтийжеден соң Жозе Моурино шәкиртлери өз упайлар санын төртеўге жеткерип, өз топарында 10 упайға ийе «Бетис»тен соң 2-орында келмекте.
Ал, Лондонның «Арсенал» клубы болса, Норвегияға сапар етип, 1-0 есабында жеңиске еристи.
Сондай-ақ, усы күни 4-тур ойынлары шеңберинде өткерилген ойынларда төмендегише нәтийжелер көрсетилди.
«АЭК» — «Фенербахче» 1:2, «Динамо Киев» — «Ренн» 0:1, «Royal Унион» — «Брага» 3:3, «Фейеноорд» — «Мидтюлланд» 2:2, «Нант» — «Frayburg» 0:4, «Карабах» — «Олимпиакос» 0:0
А.Оразов,
Қарақалпақстан хабар агентлиги шолыўшысы