Түркий мәмлекетлер шөлкеми ақсақаллар Кеңесиниң ағзалары 44-Шахмат олимпиадасында жеңимпаз болған өзбекстанлы жасларды тарийхый жеңис пенен қутлықлады.
Соның ишинде, Кеңес ағзалары бул улыўма жеңис пенен пүткил Өзбекстан халқына қутлықлаў жоллап, бул тарийхый жеңис тек ғана Өзбекстанның емес, ал түркий халықлардың жеңиси екенин қанаатланыўшылық пенен атап өтти.
Әлбетте, жасларымыз тәрепинен көрсетилген бул нәтийже ҳүрметли Президентимиздиң шахматқа итибары ҳәм ғамқорлығының жемиси.
Өзбекстан халқын бул жеңис пенен және бир мәрте шын жүректен қутлықлаймыз.
Нодирбек Абдусатторов, Жавоҳир Синдоров, Жаҳонгир Воҳидов ҳәм Нодирбек Якуббоев Жаңа Өзбекстанның жаңа тарийхын жазып атырған қаҳарман жасларымыз болып есапланады.
Қарақалпақстан хабар агентлиги