Германия футболы, соныӊ ишинде Бундеслигасы соӊғы жыллары өзиниӊ күшли ойынлары менен жәҳән футболы жанкүйерлериниӊ итибарын қаратып киятырған чемпионатлардыӊ бири болып табылады.
Бүгин елимиз ўақты менен саат 23-30 да Германия чемпионатыныӊ 60-мәўсимине старт бериледи.
Чемпионаттыӊ 1-турында Европа лигасыныӊ әмелдеги жеӊимпазы Франкфуртттыӊ «Айнтрахт» клубы Бундеслига чемпионы «Бавария» менен өз-ара күш сынасады.
Мағлыўмат ушын айтып өтиўимиз керек, Мюнхенниӊ «Бавария» клубы 10 жылдан берли Германия чемпионлығын басқа командаларға қолдан бермей киятыр ҳәм оныӊ есабында улыўма еӊ көп 31 чемпионлық бар.
Германия чемпионатыныӊ 1-турындағы қалған ойынлар болса, 6-7-август күнлери өткериледи.
Қарақалпақстан хабар агентлиги