Мәмлекетимизде экономикалық қәўипсизликти тәмийинлеў, контрабандалық өнимлердиң кирип келиўиниң алдын алыўда ҳәзирги ўақытта бажыхана хызметкерлерине олардың төрт аяқлы дослары үлкен жәрдем көрсетпекте.
Мәселен, быйылғы жыл басынан ҳәзирги ўақытқа шекем басқарманың киши инспектор-кинологлары тәрепинен, оларға бириктирилген хызмет ийтлериниң жәрдеминде 3 жағдайда, 2 килограммнан аслам «опий», «героин» ҳәм «марихуана» нәшебентлик затларының, 1500 дана аңшылық қуралы капсюласының ҳәм 230 дана пиротехникалық қураллардың анықланғанлығын айрықша атап өтсек болады.
Қарақалақстан Республикасы Бажыхана басқармасына тийисли жигирмаға шамалас ийт бүгинги күнде арнаўлы қарғы (шлейка) менен тәмийинленди. Бул олардың қәўипсиз ҳәрекетин тәмийинлеп, ажыратыў белгиси ўазыйпасын орынлайды.
Қарақалпақстан хабар агентлиги