Қытайдың Чжэнцзян провинциясы Чжоушан қаласында аспан қызыл реңге енди. Халық бул әдеттегидей емес жағдайды сүўретке алды. Бул кадрлар Sina Weibo социаллық тармағында 150 миллионнан аслам көрилди ҳәм сенсациялық темалардың бирине айланды.
«Мен ҳеш қашан бундай жағдайды көрмегенмен. Аспанның қызыл реңге айланыўы мени таң қалдырды», дейди видео авторларынан бири. Екшемби күни жергиликли метеорология уйымы қызыл аспанның себебине түсиник берди.
«Жақсы ҳаўа-райы шараятында атмосфера көбирек суў аэрозольларды пайда етеди, олар порттағы балықшы қайықларының жақтылығын сиңдирип, тарқатқан ҳәм адамлар көрген қызыл аспан пайда болған», деди метеорология хызмети.
Қарақалпақстан хабар агентлиги