Республикамыз бойлап қарақалпақ әдебиятының сөнбес жулдызлары Т.Қайыпбергенов ҳәм И.Юсуповлардың 93 жыллығына арналған әдебий ушырасыў кешелери болып өтпекте.
Қарақалпақстан Республикасы Халық билимлендириў министрлигине қараслы республикалық балалар китапханасында усындай поэзия кешелериниң бири өткерилди.
Кешеге Муҳаммед ал-Хорезмий атындағы Ташкент информациялық технологиялар университети Нөкис филиалынның Телекоммуникация технологиялары ҳәм кәсиплик тәлим факультетиниң тюторлары ҳәм 1-курс студентлери, Нөкис қаласындағы 28, 32, 33, 40-санлы мектеп оқыўшылары, ғалаба хабар қуралларының ўәкиллери қатнасты.
Кеше даўамында Қарақалпақстан Республикасына мийнети сиңген журналист П.Хожамуратова менен жанлы сәўбет шөлкемлестирилип, онда жазыўшы ҳәм шайырдың өмири ҳаққында баҳалы пикирлер айтылды. Оқыўшылар ҳәм студент-жаслар өзлерин қызықтырған сораўларға жуўап алды.
Әдебий кешеде мектеп оқыўшылары тәрепинен таярланған концерт бағдарламасы қойып берилди.
Қарақалпақстан хабар агентлиги