Ўзбекистон билан Жанубий Корея географик жиҳатдан бир-биридан узоқ бўлсада, лекин кўнгли яқин, тинчлик ва тараққиёт йўлида мақсади муштарак давлатлардир.
Мамлакатлар ўртасида таълим соҳасидаги ҳамкорлик алоқалари тобора кенгайиб бормоқда. Юртимиз олий таълим муассасалари Корея Республикасининг
30 дан ортиқ илмий-тадқиқот муассасалари билан ҳамкорликни йўлга қўйган.
Ушбу йўналишдаги ҳамкорлик ҳақида сўз юритиларкан, албатта, Ўзбекистон Республикаси Президентининг 2018 йил 30 ноябрдаги Тошкент шаҳридаги Аджу университети очилганини алоҳида қайд этиш лозим.
Бугунги кунда университетда 839 нафар талаба архитектура, қурилиш муҳандислиги, электротехника ва компьютер муҳандислиги йўналишларида таҳсил олмоқда.
Профессор Кеэчоо Чои Аджу университети Президенти сифатида ўз лавозимига киришди. Инаугурация тадбири 2022 йилнинг 7 февраль куни Аджу университетининг маросимлар саройида бўлиб ўтди. Тадбирда Ўзбекистон Республикасининг Корея Республикасидаги элчихонасининг масъул ходими З.Саидов, Тошкент шаҳридаги Аджу университети ректори Г.Муратов, биринчи проректор Жейк Ик Лим иштирок этди. Аджу университети Корея Республикасида электрон муҳандислик, машинасозлик, ферментация кимёси муҳандислиги ва саноатни бошқариш соҳаларида етакчи олий таълим муассасаси ҳисобланади.
ЎзА