Президент Шавкат Мирзиёев Андижон вилояти фаоллари йиғилишида қайд этишича, вилоятда ғалладан бўшайдиган 70 минг гектар майдонни иккиламчи ижарага бериш орқали 220 минг ишсиз аҳоли бандлиги таъминланади.
Йиғилишда қишлоқ хўжалигига мутасадди раҳбарларга бир ой муддатда такрорий экинларни тўлиқ экишни ташкил этиш бўйича топшириқлар берилди.
Шу йил охиригача қўшимча 9 минг гектар яйлов ерларни фойдаланишга киритиш бўйича манзилли дастурни тасдиқлаб, ижросини таъминлаш кераклиги айтилди.
Вилоятда жорий йилда 28 минг гектарда томчилатиб суғоришни жорий этиш, 16 минг гектарни лазерли текислаш орқали 670 миллион куб метр сув тежаш режалаштирилган.