Қорақалпоғистон Республикаси ҳуқуқни муҳофаза қилувчи органлари ходимлари ўртасида футбол бўйича мусобақа бўлиб ўтди.
Хотира ва қадрлаш кунига бағишлаб «Динамо» жисмоний тарбия ва спорт жамияти биринчилиги учун ўтказилган мусобақада 9 та жамоа иштирок этди.
Қизиқарли ўтган мусобақа якунида Қорақалпоғистон Республикаси Ички ишлар вазирлиги жамоаси биринчи, Ўзбекистон Миллий гвардияси Қорақалпоғистон Республикаси бўйича бошқармаси жамоаси иккинчи, Қорақалпоғистон Республикаси Ички ишлар вазирлиги Алоҳида вазифаларни бажарувчи сафарбарлик отряди жамоаси учинчи ўринларни эгаллади.
Ғолибларга ташкилотчилар томонидан диплом, медаль ҳамда қимматбаҳо совғалар топширилди.
Довуд Абибуллаев, ЎзА