Нукус шаҳридаги Олимпия ва миллий спорт турлари бўйича олий маҳорат мактабида ўтган йил август ойида ташкил қилинган коронавирус инфекциясига чалинган беморларни ташхислаш, тақсимлаш ва даволаш маркази ёпилди.
Бунга сабаб Қорақалпоғистон Республикасида эпидемиологик вазиятнинг барқарорлашаётганлиги сабаб қилиб кўрсатилмоқда.
Марказда даволанаётган кам сондаги беморлар Республика юқумли касалликлар шифохонасидаги махсус бўлимга кўчирилган. Марказда ишлаётган тиббиёт ходимлари билан шартномалар бекор қилиниб, улар аввалги иш жойларига қайтарилган.
Қорақалпоғистон Республикаси Соғликни сақлаш вазирлиги матбуот хизматининг маълум қилишича, агар ҳудудда эпидемиологик аҳвол ёмонлашган тақдирда мазкур марказ қайта очилишига тайёр ҳолатда.
Е.Қаноатов, ЎзА