Аввал хабар қилганимиздек, Ўзбекистон Миллий ахборот агентлиги – ЎзА бугун 2020 йилнинг энг фаол ва зўр фаолият юритган вазирлик, ташкилот, ҳокимлик ва банкларни аниқлашда давом этмоқда.
Қисқача айтганда, Ўзбекистонда рамзий маънодаги тўртинчи ҳокимият бу йил ҳақиқий ҳокимият эгаларини тақдирламоқда.
Танловда юртимизнинг молия муассаслари учун ҳам алоҳида йўналишлар ва ўрин ажратилган. Зеро, ҳудудлар ривожини албатта банкларсиз тасаввур этиб бўлмайди. ЎзА материаллар таҳлили асосида йилнинг энг яхши банкларини ҳам аниқлади
Айни дақиқаларда юртимизда фаолият юритаётган тижорат банклари турли номинациялар бўйича ғолибликни қўлга киритишмоқда. Марҳамат улар билан таништирамиз.
“2020 йилда ОАВ билан энг фаол ишлаган банк тизими” номинациясига “Агробанк” акциядорлик тижорат банки лойиқ кўрилди.
“2020 йилда халқ ишончини қозонган банк тизими” номинациясида “Ўзсаноатқурилиш банк” ғолиб бўлди.
«2020 йилда давлат дастурларида энг фаол иштирок этган банк» номинацияси ғолиби -“Қишлоқ қурилиш банк” акциядорлик-тижорат банки
«2020 йилнинг халққа энг яқин бўлган шаффоф банки» эса “Микрокредитбанк” акциядорлик-тижорат банки, дея эътироф этилди.
Қайд этиш керакки, юртимизда хусусий банклар тармоғи ҳам кенагйиб бормоқда. Улар мижозларга хизмат кўрсатишда ўзига хос ёндошув ва инновациялар таклиф этмоқда.
Аҳолига кўрсатаётган сифатли ва тезкор хизматлари туфайли бугунги танловимизда биринчи марта хусусий банк жамоаси ҳам ғолиблар сафидан ўрин олди.
“2020 йилда мижозларга энг сифатли хизмат кўрсатган хусусий банк” номинацияси ғолиби -«Трастбанк» хусусий тижорат банки бўлди.
Оқил Ғуломов(сурат), ЎзА