Нукус шаҳридаги Президент мактаби ўқувчилари халқаро фан олимпиадасида 2та олтин, 3та кумуш ва 2та бронза медалларни қўлга киритди.

Мазкур олимпиада Америка Қўшма Штатларининг «Mathematical Association of America» ва Ўзбекистон Республикасидаги «ELPC» ташкилоти билан ҳамкорликда 2020 йилнинг февраль ойида «AMC-10» ва «AMC-12» халқаро математика олимпиадаси ўтказилган эди, – делинади Қорақалпоғистон Республикаси Халқ таълими вазирлиги ахборотида. Бутун дунёдаги пандемия туфайли олимпиада ғолибларини тақдирлаш кечиктирилган эди.

Нукусдаги Президент мактабининг очилганига 1 йил тўлиши муносабати билан ташкил қилинган тадирда «ELPC» ташкилоти директори Б.Овлаев ғолибларни тақдирлади.

Е.Қаноатов, ЎзА