Нукус шаҳридаги “Nukus Med Tex” масъулияти чекланган жамиятида бир марталик шприц ва инфузион система каби тиббий буюмлар ишлаб чиқариш йўлга қўйилган.
2015 йилда ташкил этилган корхонада айни пайтда 230 дан зиёд маҳаллий аҳоли иш билан таъминланган. Йиллик ишлаб чиқариш қуввати 146 миллион донадан ортиқ маҳсулотни ташкил этади. Ушбу тиббиёт буюмларининг мамлакатимиз ҳудудида сотувга чиқарилаётгани, четдан импорт бўлиб келадиган маҳсулотнинг ўрнини босишга ҳамда иқтисодиётимиз барқарорлигини таъминлашга яхши таъсир кўрсатмоқда.
Яқин кунларда эса корхона маҳсулотларининг маҳаллий бозордан ортган қисми Арманистон ва Афғонистон давлатларига экспорт қилинади.
Мақсад ҲАБИБУЛЛАЕВ (сурат), ЎзА