АҚШ президенти Дональд Трамп шу кунгача коронавирус тарқалиш ўчоғи бўлган Хитойни бутун дунёга вирус тарқатганликда айблаб келаётган эди.
Хитой эса, коронавируснинг сунъий тарзда тарқатилгани ҳақидаги айбловларни қатъиян рад этган.
Аввалги интервьюларида коронавирус Хитойнинг Ухан шаҳридаги вирусология лабораторияларида сунъий тарзда тарқатилганлиги тўғрисида далиллар мавжудлигини айтган Трамп бу сафар фикрини ўзгартирди.
АҚШ президенти “New-York Post” газетасига берган интервьюсида COVID-19 вирусини глобал пандемияга айланишига Хитой айбдорлигини таъкидлаш билан бирга Хитой ушбу вирусни қасддан тарқатмаганлигини қайд этди.
“Вирус Уханда пайдо бўлди, бироқ лаборатория бўлмаслиги мумкин. Аммо, вируснинг авж олиб, бутун дунёга тарқалишини тўхтатиб қолиш керак эди“, деб айтган Дональд Трамп.
ЎзА