Жиззах вилояти Мирзачўл туманидаги собиқ «Қозоқ мусиқали драма театри» биноси ҳомийлик асосида капитал таъмирланиб, «Ўзбек-Қозоқ» маданият марказига айлантирилди.
Бу ҳақда Маданият вазирлиги матбуот хизмати хабар берди.
Шу муносабат билан мазкур марказ қошидаги тўгараклар фаолияти учун Маданият вазирлиги томонидан 15 турдаги мусиқа чолғулари тақдим этилди.
Марказ ходимлари ушбу бинони замонавий тарзда таъмирлаб ва жиҳозлаб берган барча ташкилотчиларга ўз миннатдорчилигини билдириб, келгусида ушбу марказда Ўзбекистон равнақига ўз ҳиссасини қўшадиган ажойиб санъаткорлар етишиб чиқишида астойдил меҳнат қилишини айтиб ўтди.
Мазкур марказ тез кунларда тантанали равишда фойдаланишга топширилиши режалаштирилган.
ЎзА