Кеча бўлиб ўтган Африка Чемпионлар лигасининг дастлабки Гвинеянинг “Хоройя” ҳамда Мисрнинг “Ал Ахли” жамоалари ўртасида кечган баҳсда жамоалар дурангга имзо чекишди: 0 – 0.
Куннинг иккинчи ўйинида эса амалдаги чемпион Марокашнинг “Видад” клуби Жазоирнинг “Эс Сетиф”ига меҳмонда мағлубиятга учради. Учрашувдаги ягона голга 16 дақиқада И. Диоманде муаллифлик қилди.
“Хоройя” – “Ал Ахли” 0:0
“Эс Сетиф” – “Видад” 1:0
Бугун қолган икки ўйин бўлиб ўтади. Ундаги дастлабки баҳсда Анголанинг “Примейру де Агошту” жамоаси ўз уйида Конгонинг “Мазембе”сини қабул қилса, иккинчи баҳс Туниснинг иккита клуби ўртасида кечади: “Эсперанс” – “Этуаль Сахель”.
Хабарингиз бор, ушбу турнир ғолиби 12-22 декабрь кунлари БААда бўлиб ўтадиган Клублар ўртасидаги жаҳон чемпионатида иштирок этади.
ЎзА