АҚШнинг Мичиган штати Детройт шаҳрида ўтадиган профессионал бокс кечасида ҳамюртимиз Шоҳжаҳон Эргашев рингга кўтарилади.
Ушбу оқшомнинг иккинчи асосий жангида ўзбекистонлик профессионал боксчи, супер енгил вазнда IBA камари учун собиқ даъвогар Шоҳжаҳон Эргашев панамалик Хуан Хуертас билан рўбарў келади.
Айтиш лозимки, ҳамюртимизга рақиблик қиладиган ушбу боксчи ўз вақтида енгил вазнда бир қатор юқори натижаларга эришган. 2012 йилги Лондон олимпиадаси иштирокчиси саналади.
Ушбу оқшомнинг марказий жангида ярим оғир вазн тоифасида 11 та жанг ўтказиб барчасида ғалабага эришган колумбиялик Хуан Каррильо ҳамда америкалик Куинтон Ранкин тўқнаш келади.
Эслатиб ўтамиз, Ш.Эргашев иштирокидаги мазкур бокс кечаси 28 мартдан 29 мартга ўтар кечаси бўлиб ўтади.
Т. Рўзиев, ЎзА