Аввал хабар берганимиздек, пойтахтимиздаги “Ҳумо Арена”да дзюдо бўйича “Катта дубулға” туркумига кирувчи нуфузли турнир бошланди.

Дунёнинг 68 давлатидан жами 495 нафар дзюдочиси иштирок этадиган мусобақада эркаклар ўртасида 2 та, аёллар орасида эса 3 та вазн тоифасида ғолиб ва совриндорлар аниқланади. Мазкур баҳсларда 19 нафар полвонимиз иштирок этади.

Жумладан, -60 кг. вазн тоифасида Дилшодбек Баратов – Юнус Саддики (Марокаш), Достон Рўзиев – Вижай Ядав Кумар (Ҳиндистон), Камолиддин Бахтиёров – Гиорги Сардалашвили (Грузия), Баҳром Ботиров – Ёрре Верстраетен (Бельгия) ўртасида беллашувлар ўтказилади.

Шунингдек, -66 кг. вазнда Муҳриддин Тиловов – Тал Фликкер (Исроил)/Шуген Накано (Филиппин), Сардор Нуруллаев – Муҳаммад Абделмавгуд (Миср), Абдураҳим Нутфуллоев – Виляр Липард (Эстония) ва Бобур Ваджиев – Маттео Пирас (Италия) билан куч синашади.

Аёллар ўртасидаги -48 кг. вазн тоифасида Ҳалимажон Қурбонова – Сила Ерсин (Туркия), Фотимахон Турсунбоева – Тамар Малка (Исроил)/Шукрона Карчиева (Тожикистон), Улбусин Ҳакимова – Шира Ришони (Исроил), Лазиза Ҳайдарова – Тара Бабулфатх (Швеция)/Кристина Дудина (Нейтрал мақом), -52 кг. вазнда эса Сита Қадамбоева – Мария Сидерот (Португалия), Муҳайё Аҳмадова – Аружан Ережепова (Қозоғистон) ҳамда Гулҳаё Жўраева – Микаэла Скиаковелли (Италия) баҳсига гувоҳ бўламиз.

Вазни -57 кг. тоифасидаги беллашувларда Шукуржон Аминова – Паулине Старке (Германия), Нилуфар Ермаганбетова – Альтансетсег Батсуҳ (БАА), Фарангиз Режепова – Майса Пардаева (Туркманистон) ҳамда Юляна Максетбаева – Арлета Подолак (Польша) жуфтликлари илк даврада тўқнашади.

Жавоҳир Тошхўжаев, ЎзА