Мамлакатимиз ҳудудларида кичик бизнес субъектларини қўллаб-қувватлаш учун бизнес-инкубаторларни ташкил этиш, уларнинг фаолиятини хорижий экспортларни жалб қилиш орқали қўллаб-қувватлаш борасида кўплаб лойиҳалар амалга оширилмоқда.
Маҳаллабай ишлаш ва тадбиркорликни ривожлантириш агентлигида JICA ташкилотининг координатори Шоичи Ивата ва дастур координатори Одил Ҳасанов волонтёрлик лойиҳаси бўйича музокара ўтказди.
Учрашувда ҳудудларда кичик бизнес субъектларини қўллаб-қувватлаш учун бизнес-инкубаторларни ташкил этиш, уларнинг фаолиятини хорижий экспортларни жалб этиш орқали қўллаб-қувватлаш ҳамда япониялик волонтёрларни жалб қилиш борасида ҳамкорлик лойиҳалари муҳокама қилинди.
Шунингдек, музокара давомида ҳудудларнинг ихтисослашувидан келиб чиқиб, жалб этиладиган экспертларга қўйиладиган талаблар ҳамда лойиҳадан кутилаётган натижалар борасида фикр алмашилди.
Ташкил этилаётган бизнес-инкубаторларга япониялик волонтёрларни қисқа ва узоқ муддатга жалб этиш бўйича JICA ташкилотининг мутахассислари билан келишиб олинди, дейилади Маҳаллабай ишлаш ва тадбиркорликни ривожлантириш агентлиги маълумотида.
Марҳабо Мадаминова, ЎзА