Ноқулай об-ҳаво шароити ёки самолётдаги техник муаммолар туфайли парвоз кечикиши ҳар ким билан содир бўлиши мумкин бўлган табиий ҳолат ҳисобланади. Авиакомпанияларда йўловчиларга хизмат кўрсатишнинг турли хил шартлари бор, аммо парвоз кечиктирилганида бепул тақдим этиш лозим бўлган асосий хизматлар мавжуд:

– телефон орқали бир маротаба суҳбат, электрон почта хабарини юбориш ёки бошқа алоқа усулларидан бир марталик фойдаланиш;

– кутиш вақтида ичимлик суви ва иссиқ овқат билан таъминлаш;

– агар кутиш вақти ташувчининг қоидаларида белгиланган муддатдан ошиб кетган тақдирда, меҳмонхона билан таъминлаш;

– жўнаб кетишни кутиш даврида йўловчини вақтинча яшаш жойига ва ундан олиб келиш учун транспорт билан таъминлаш;

– чиптада кўрсатилган ва ўтказиб юборилган транзит рейслари билан боғлиқ харажатларни қоплаш ёки қайта бронь қилиш.

Шунингдек, 7 ёшгача кичик болалари бўлган барча йўловчиларга, парвознинг кечикиш вақтидан қатъий назар, она ва бола хонасига кириш ҳуқуқи берилиши лозим.

Б.Худойбердиев, А.Алижонов (видео), ЎзА