Жаҳон бокс ассоциацияси «WBА» профессионал бокснинг биринчи ярим енгил вазн тоифасида собиқ жаҳон чемпиони, ҳамюртимиз Муроджон Аҳмадалиевнинг (11-1, 8КО) рақиби ўзгарганини эълон қилинди.

Аввалроқ, ушбу ташкилот томонидан М.Аҳмадалиевга Томоки Камеда рақиб сифатида танланган эди. Бироқ, у вазн кўтараётгани сабабли бу жангда иштирок этмайди.

Рейтингда кейинги поғонада бораётган мексикалик Кевин Гонсалес (26-0-1, 13КО) боксчимизга қарши рингга кўтариладиган бўлди.

Муроджон ва Кевин ўртасидаги жанг «WBA Final Eliminator» мақомида ўтади. Ҳар икки жангчи келишувга эришиши учун 30 кун муддат берилди. Келишувга эришилмаган тақдирда, WBA ҳар икки боксчи учун 50 фоиздан гонорар тақсимланишини таклиф қилади.

Маълумот учун, мазкур жанг ғолиби «WBA» камари соҳиби Марлон Тапалес ёки бўлажак даъвогар Наоя Иноуэ билан жанг қилади.

Жавоҳир Тошхўжаев, ЎзА