Куни кеча Осиё Олимпия кенгаши Атлетлар комиссияси аъзолигига номзодлар рўйхатини эълон қилди.
Номзодлар орасидан эркин кураш бўйича «Токио-2020» Олимпия ўйинлари совриндори, ҳамюртимиз Бекзод Абдураҳмонов ҳам жой олди.
Маҳоратли спортчимизнинг номзоди Марказий Осиё минтақасидан илгари сурилган бўлиб, минтақадан 3 нафардан эркак ва аёл спортчилар номзодлари кўрсатиб ўтилган.
Номзодларга овоз бериш жараёни бир ойдан кейин Хитойда бошланадиган «Ханчжоу-2022» Осиё ўйинларининг тантанали очилиш маросимидан бир кун кейин бошланиб, унинг натижалари мусобақалар якуни арафасида эълон қилинади.
Т.Рўзиев,
ЎзА