Туркия ва Россия Президентлари Режеп Таййип Эрдоған ва Владимир Путин телефон орқали мулоқотда Украина атрофидаги зиддиятни муҳокама қилдилар.
“Анадолу” агентлиги хабарига кўра, Туркия раҳбари инқирозни кескинлаштирадиган ҳолатлардан воз кечишга чақирган. Эрдоған рус ҳамкасбига ўрмон ёнғинига қарши курашда фойдаланиш учун етказиб берилган “Бе-200ЧС” амфибия самолётлари учун миннатдорлик билдирган.
Туркиянинг қатор вилоятлари, хусусан, Анталия ва Мугла курортларида июль ойидан бери ўрмон ёнғини давом этмоқда.
Эрдоған баёнотига кўра, икки давлатнинг туризм соҳасини ривожлантиришна қаратилган саъй-ҳаракати натижасида бу йил россиялик сайёҳларнинг Туркияга келиши бўйича рекорд натижага эришилади.
2022 йил ушбу мамлакатга келган 44,6 миллион хорижлик сайёҳдан 5,2 миллиони россиялик эди.
Шунингдек, икки давлат етакчилари Путиннинг Туркияга зиёратига оид масалани ҳам кўриб чиқдилар.