АҚШ Конгресси Вакиллар палатаси оиласининг хориждаги коррупция жараёнига адоқадорлиги сабабли Президент Жо Байденга импичмент эълон қилиш бўйича тергов ўтказмоқчи. Бу ҳақда қуйи палата спикери Кевин Маккарти “Fox News” телеканалига маълум қилди.
“Байдент президентликка номзодини қўйган пайтда америкаликларга бизнес ҳақида гапирмаган эди, оиласи Хитойдан бир доллар ҳам олмаганини таъкидлаганди. Афсуски, энди бу ҳақиқат эмаслиги исботланмоқда”, деди Маккарти.
Қуйи палата спикери сўзларига қараганда, Байден Америка сиёсати “Ричард Никсон давридан бери кўрмаган” усуллардан фойдаланади.
– Байден оиласи манфаатини кўзлаб, ҳукуматни “қуроллантирмоқда” ва Конгрессни назорат имкониятидан маҳрум қилмоқда, – дейди спикер.
У барча саволларга жавоб олиш учун Вакиллар палатаси “АҚШ Конституциясида қайд этилганидек, ишни охирига етказиш – импичмент текширувига олиб бориш” умидида эканини билдирди.
Май ойида Вакиллар палатасининг Назорат ва масъулият қўмитаси Байден оиласи аъзолари ва улар билан алоқадор шахслар хориждан миллионлаб доллар олганини далиллар билан айтиб чиққан эди.