АҚШнинг собиқ президенти Дональд Трамп давлатнинг энг юқори лавозимидан кетганидан кейин оммавий тадбирларда иштирок этиб, 12 миллион доллар ишлаб топган. The Wall Street Journal газетасининг пайшанба кунги сонида шу ҳақда маълумот берилди.
Трамп АҚШ президентлигидан кетганидан кейин 15 та оммавий тадбирларда иштирок этган. Ҳар чиқиш қилганида 150 мингдан 2,5 миллионгача ҳақ олган. Трампнинг рафиқаси Мелания ҳам 2021 йилдан то ҳозиргача оммавий тадбирларда иштирок этиб 1 миллион доллар топган.
Бундан ташқари, АҚШнинг собиқ етакчиси турли активлари орқали яна 13 миллион доллардан ортиқ даромад топган. Трампнинг жами активлари, жумладан, дам олиш мажмуалари ва гольф майдонлари 1,5 миллиард долларга баҳоланмоқда. Биргина Абердиндаги гольф-дам олиш зонаси Трампга 7 миллион доллар миқдорида фойда келтирган, деб ёзмоқда газета.