Миср Президенти Абдулфаттоҳ ас-Сиси 27 июль куни Туркияга расмий ташриф билан боришни режаламоқда.
Бу ҳақда Британиянинг “Independent” газетасининг турк тилидаги нашри ўз манбаларига таяниб хабар берди. Айтилишича, Туркия Президенти Режеп Таййип Эрдоған билан учрашувда Миср раҳбари икки томонлама ва минтақавий масалаларни муҳокама қилади.
Мазкур ташриф 4 июль куни Анқара ва Қоҳира эълон қилган дипломатик муносабатларни тўлиқ тиклаш жараёнида бўлиб ўтади.
Анқара ва Қоҳира ўртасидаги муносабат 2013 йил Миср Президенти Муҳаммад Мурсий ҳокимиятдан ағдарилгандан кейин ёмонлашган эди.